天時暑熱,相信唔少史友都會去海灘游下水。如果史友家住市區,去公眾海灘都好似有啲遠,有無諗過以前嘅香港,海灘就梗有一個响左右,好似紅磡以前就有一個海灘浴場。
阿史個日睇返一張上世紀六十年代出版嘅九龍區地圖,响依家黃埔一帶就有地方叫大環公眾浴場,呢個海灘係响紅磡大環山下,所以就叫大環海灘。呢個海灘其實係响二十年代初就成為咗附近船塢員工享用嘅海灘,而當時呢個海灘有公眾交通接駁,加上有救生員同設施齊全,所以受唔少市民歡迎。不過,响三十年代政府就取消對浴場嘅資助,令各種設施嘅服務暫停。
到咗1954年,呢個重新啟用,直到1960年代中,呢個公眾浴場先正式關閉,後嚟更因為填海工程而令浴場消失。所以响六十年代嘅地圖仲見到呢個浴場位置,就係咁解喇!
原圖嚟自網絡