繼續同史友們介紹我國最新嘅考古發現，早喺今年六月聞喜上郭遺址就已經出土咗一枚距今接近5200年嘅仰韶時期石雕蠶蛹，呢次重大嘅發現就令考古團隊研究古代山西南部絲織業提供重要嘅實證。咁幾個月過後，到底又有冇啲咩新發現呢？阿史今次就同大家講一講啦！
考古團隊喺發現石雕蠶蛹過後，就進一步對上郭城址、邱家莊墓群進行考古發掘，結果就喺呢兩個總面積達到100萬平方米嘅遺址當中，唔單止發現到「荀侯匜」、「賈子匜」、「刖人守囿」挽車等珍貴文物，同場仲搵到陶器、玉器、石器等過千件文物。
最重要嘅係，結合呢個石雕蠶蛹發現，考古團隊前前後後就喺遺址群當中搵到5枚石雕蠶蛹、1枚陶制蠶蛹，間接印證山西南部涑水河流域喺仰紹文化時期先民們就已經開始養蠶，為絲綢起源與傳播等問題研究提供重要線索！
原圖嚟自網絡