喺唔少關於包青天嘅古裝影視作品當中，相信唔少史友都曾經會有個疑問，就係點解包青天明明只係一個官員，但就可以身穿「龍袍」？到底係佢想造反定還是道具組準備錯咗服裝？今次阿史就同大家講一講啦！
所謂嘅「龍袍」無論喺任何朝代都好，都係皇帝嘅朝服，只有皇帝穿著嘅衣服先至可以繡上有龍形圖紋嘅袍服，如果係其他人穿著絕對會係殺頭大罪。雖然包青天身穿呢條的確好似「龍袍」，但實際上最多就只係一件「蟒」袍。
雖然「蟒袍」睇落都幾似「龍袍」，但喺古代由於古人認為蟒蛇冇腳唔夠威風，所以就諗出「五爪為龍，四爪為莽」嘅設計，並且只有皇上特賞先有機會穿著。但問題就係，「蟒袍」喺明朝先至出現，宋朝嘅包青天又係點樣穿著到呢？呢一點就極有可能係後世參考嘅戲劇嘅服飾先至會有呢啲誤會出現喇！
原圖嚟自網絡