以往就同史友們講過喺宋朝做一個文官待遇有幾咁好，之不過喺一個重文輕武嘅時代，武將又會有咩待遇呢？阿史今次就同大家講一講啦！
無論喺北宋定還是南宋，政壇其實都係由文臣主宰，大興儒學、增加科舉取錄名額等等嘅手段都係為咗提高文人嘅地位，咁喺「以文馭武」嘅前提下，宋朝嘅武人又有幾慘呢？
首先就有宋太祖曾經喺宮中立碑，告誡後人勿殺文臣、莫過度重用武將，某種意義上就已經係一種歧視。而喺國家治理嘅層面上，作為最高軍事機關樞密院當中，喺70幾名官員入面就只有不足20人係武者出身，而且呢個人數由太祖去到仁宗朝慢慢仲要減到6人，去到英宗時期就再冇武者出身嘅官員，可見「以文馭武」真實存在。
之不過，雖然喺整體上嚟講武官嘅地位係下降，而文官係有優越地位，但其實佢哋仍然係生活得唔錯，佢哋嘅兵權、優待嘅特權仍然緊握在手，武者地位喺兩宋之間其實係起起落落！
原圖嚟自網絡