繼續同史友們介紹世界各地嘅最新發現，要發現古代嘅象牙共唔係一件容易嘅事，而如果要搵到史前嘅完整象牙就難上加難，而近日喺以色列南部就真係有呢樣發現。
據考古團隊報導，考古學家就喺以色列南部地中海沿岸附近平原發現到一塊年代可以追溯到50萬年前嘅完整巨型象牙化石。發現化石嘅地點係一個史前集體社區遺址，而被發現嘅象牙長達2.5米，估計係屬於古菱齒象。據專家推斷，呢種罕見嘅完整象牙所在地喺史前可能係一片沼澤或淺水湖，並唔係今時今日嘅乾旱地帶，所以原始人會喺呢度居住。
咁點解巨型象牙又會出現喺原始人社區呢？考古專家相信喺舊石器時代大象係人類嘅獵殺對象之一，而象牙就係具有祭祀嘅目的。呢次發現除咗有助專家了解人類生活與大象之間關係，亦都可以進一步了解到舊石器時代原始人嘅生活。
原圖嚟自網絡