南京大屠殺係無數國人心目中揮之不去嘅痛，而咁多年嚟作惡嘅日軍、日本政府亦都未為呢件事正式道歉，甚至仲嘗試修改教科書內容企圖淡化呢段侵華暴行嘅歷史。之不過，凡事走過必留痕跡，作過嘅惡亦唔會就咁消散，近日一位外國典當店老闆就收到一件相當重要嘅「證物」！
近日呢位名為Evan Kail嘅老闆就收到一本內有三十幾張南京大屠殺彩色相片嘅二戰相冊，委托人就聲稱呢本相冊係家族流傳落嚟並且想盡快賣出。之不過，呢位識貨嘅老闆就深知關於南京大屠殺嘅相片本來就好稀少，雖然估價係會相當昂貴，但佢認為呢啲相片係應該被公開，日軍所作過嘅惡亦都應該公置於世。
Evan Kail就表示呢啲相片係佢職業生涯當中最令人厭惡嘅物品，但基於尊重歷史，佢希望能夠有博物館買下並且將歷史公開。目前我國嘅侵華日軍南京大屠殺遇難同胞紀念館已經開始聯繫對方，希望呢件事可以順利進行。
原圖嚟自網絡