繼續同史友們介紹我國歷史悠久嘅古建築，上次就同史友們介紹我國第一木樓飛雲樓，今次就想同大家介紹中國第一古塔嵩岳寺塔。
呢座位於河南鄭州嘅密檐式佛塔，係我國現存最古老嘅密檐塔，同時亦都被認為係中國其他密檐式塔原型，真係相當犀利！咁呢座塔又係點樣建成呢？相傳喺北魏孝明帝正光元年（520年），宣武帝就將自己位於嵩山嘅一個離館改建成寺廟，而寺內亦都同時興建一座塔，而呢座正係嵩岳寺塔。
喺咁多年嚟，我國都冇發現過比嵩岳寺塔年代更早嘅密檐式塔，嵩岳寺塔通高39.8米，由下至上由台基、塔身、塔檐和塔剎組成。塔身內有塔室，塔室下有地宮，喺發掘初時就有唔少文物喺當中出土。而嵩岳寺塔獨特之處更加係在於呢個獨一無二嘅十二角形平面，係同類塔形嘅孤例，阿史都想親身去睇一次！
原圖嚟自網絡