今日係9月3日,對國人嚟講都係相當重要嘅一日,事關今日係中國人民抗日戰爭暨世界反法西斯戰爭勝利77周年紀念日,係經過14年英勇抗戰最終打敗日本軍國主義侵略者嘅重要日子。
喺1945年8月14日,日本向《波茨坦公告》各國傳遞投降決定、8月15日日本昭和天皇向全國廣播《終戰詔書》,意味住二次世界大戰正式結束。喺1945年9月2日,隨住日本向盟軍喺東京灣密蘇里號戰列艦上舉行投降儀式,喺中國在內嘅九個受降國代表注視下,日本正式喺投降書上簽字,呢個舉動唔單止意味住世界反法西斯戰爭勝利,而且仲係中國近代反侵略戰爭歷史上第一次全面勝利。
喺抗日戰爭勝利嘅77周年,「勿忘歷史,吾輩自強!」正係應該共同傳遞嘅重要訊息!
原圖嚟自網絡