繼續同史友們介紹我國嘅一啲重要考古發現，今時今日嘅現代嘅化妝品各式奇式，唔少都係通過人工合成都製作出來，但史友們又有冇諗過到底古人嘅化妝品又係點樣整成呢？
近日中國科學院大學考古系與陝西省考古研究院就喺陝西省嘅一個春秋早期貴族墓地有重大嘅發現！考古團隊就喺國際學術期刊《人文與社會科學通訊》發表相關報告，當中研究就指出陝西韓城市梁帶村遺址內春秋早期諸侯及諸侯夫人墓地所出土一件銅容器內部白色殘留物，實際上正係世上現時發現最早嘅人工合成鉛白化妝品遺存。
其實在此之前學界對於中國幾時同埋喺何處完成鉛白一直都有唔少爭議，但呢次發現正正就係講明古人至少早喺春秋時期就已經識得人工合成鉛白化妝品，甚至仲比歐洲以及環地中海地區早咗三百年。喺技術層面上，中國古代嘅呢種鉛白化妝品技術更加係獨立起源，同時印證春秋時期已經係我國化妝品產業興起嘅時代，真係相當犀利！
原圖嚟自網絡