喺全球唔少地方都面臨嚴重乾旱之際,偏偏巴基斯坦近來就遭受到前所未有嘅強降雨,連場嘅暴雨甚至仲引發起洪災,唔單止令到近千人失去生命,甚至仲對有幾千年歷史嘅遺址造成嚴重破壞。
呢座摩亨佐·達羅遺址位於巴基斯坦信德省南部,位置靠近印度河,被稱為「死亡之丘」(Mound of the Dead)。遺址喺1922年被發現,歷史可以追溯到公元前2500年前,亦都被認為係南亞保存最完好嘅古代城市之一。
據了解,由於受到極端天氣影響,世界文化遺產「摩亨佐·達羅」(Mohenjo-daro)考古遺址已經受到破壞。雖然呢次洪水冇直接衝擊到摩亨佐·達羅遺址,但強降雨就令到4500年前建成嘅圍牆倒塌,連同佛塔外牆以及大部分牆壁都受損,不幸中之大幸係,佛塔仍然保存完好。
原圖嚟自網絡