上次阿史講過以前科舉考試作弊會係一件好嚴重嘅事，不過中舉呢件事對讀書人而言實在太重要，所以以前就有唔少人想盡辦法出貓務求高中，今時今日睇返呢啲人都真係相當有心思。
記得以前睇過一個展覽，展出咗一件以前嘅人科舉考試作弊嘅衫，無錯！係一件衫，呢件衫就寫滿咗字，內容係將經書內容寫上去，方便响考試期間睇，雖然睇落一啲都唔方便。另外，仲有人會將經書縮細，好似圖中一本「書仔」，大概只有一個硬幣嘅大細。拎住呢本書嘅人考唔考到唔知，不過整呢本書仔嘅人就真係神級工藝。仲有就係啲考生會將貓紙可以帶入考場嘅用具當中，包括筆、硯等，真係無所不用其極。
咁有無狀元因為咁而高中呢？真係無人知喇！
原圖嚟自網絡