喺唔少影視作品當中,大家好多時候都可以見到一幕就係大戶人家十幾歲嘅女兒,好輕易就被許配出去成為他人嘅妻子,咁到底點解古代男子娶妻,多數娶返嚟嘅都係得十三、十四歲呢?今次阿史就同大家講一講啦!
其實呢一個現象嘅成因並唔係在於古代男子嘅喜好,而係真係同古代嘅人口以及科技有關!先由人口方面進行分析,其實早喺《周禮》記載,周朝嘅女子結婚嘅年齡理應係喺二十歲,之不過隨住踏入戰國時期人口銳減,為咗維繫國力就只能將女子結婚嘅年齡提早至十五歲,而類似嘅規定去到西漢初期亦都繼續執行。而且,如果一旦遇上咩瘟疫、饑荒等災害導致人口大減,都係需要女子提早結婚希望通過咁增加人口!
喺今時今日睇嚟,只要結婚生仔就可以增加到人口,但喺古代呢一點唔係必然。由於唔少女子出嫁嘅時候多數都係十三、十四歲,發育並唔健全,加上古代醫療科技落後,就好似康熙帝所娶嘅輔政大臣一等公索尼孫女孝誠仁皇后,就算出身貴族喺生第二個仔之時都難產而死,而康熙前四個仔有三個都喺一年之內夭折,所以尋常百姓嘅命運就更加慘!所以,古代男子娶十三、十四歲嘅老婆,其實目的真係好單純!
原圖嚟自網絡