喺中秋節呢個華人最重視嘅日子前夕，我國喺月球探索方面就傳嚟一個大好消失。喺中國探月工程嫦娥五號任務獲得嘅月球樣品當中，國家航天局、國家原子能機構聯合公布發現咗一樣新礦物！
喺2020年12月17日，嫦娥五號攜帶1731克月球樣品返回地球，並且由北京地質研究院以「裂變聚變核能元素研究」為主題展開研究。由於月壤研究損耗不能大於一粒米，所以研究嘅難度就近乎用一根纖細嘅納米取樣針反覆去剝取。
據了解，經過對月壤研究以及分析後，科學家就首次喺月球上發現新礦物，係繼美國、俄羅斯後，世界上第三個喺月球發現新礦物嘅國家。
呢次發現嘅新礦物係一種磷酸鹽礦物，存於月球玄武岩顆粒中呈柱狀晶體。為咗致敬中國航天嫦娥工程探月事業，核地研院將月球新礦物命名為「嫦娥石」，令到月宮之上真係有「嫦娥」喇！
原圖嚟自網絡