喺唔少關於清朝嘅影視作品當中，大家都可以經常見到清兵心口都係掛住個「勇」字，但喺歷史上其實清朝士兵心口仲會掛個「兵」。咁到底掛住呢兩隻字嘅士兵有咩唔同呢？阿史今次就同大家講一講啦！
由最基本嘅層面嚟講，其實掛住「兵」同「勇」嘅士兵出身上就已經好唔同。「兵」喺早年係清朝最主要嘅軍事力量，佢哋分別由八旗軍以及綠營軍組成，八旗軍就係世兵制選拔出來，至於綠營軍就係喺滿人人數不足之時由漢人組成嘅單位。佢哋都係清朝早年嘅主力，責任都係負責保家衛國，但八旗兵大部分衛戌京師而綠營兵則遍布全國。
咁「勇」嘅士兵又有咩唔同呢？最簡單嚟講佢哋其實係「雜牌軍」，每當八旗兵、綠營兵人數不足之時，清政府就會喺全國臨時招募軍隊，喺戰事之後就會立即解散，所以喺缺乏訓練之下，「勇」字真係幾重要！
原圖嚟自網絡