以往阿史都同史友們講過，朱元璋係一位嗜殺嘅帝皇，只要任何人有機會危害到朱家嘅江山，就算係開國功臣都唔會放過。咁到底一位如此性格嘅帝皇，點解又會為戰士開設妻兒營以及寡婦營呢？阿史今次就同大家講一講啦！
雖然喺明朝初年，當時嘅士兵已經充分明白到呢位帝皇嘅性格，足以令到人人都敬畏。但咁樣對朱元璋而言係唔足夠，佢必須要充分掌握到兵權，並且令到士兵完全對佢盡忠。
於是，佢就諗到為士兵設立妻兒營呢一招喇！據明朝劉辰所著嘅《國初事跡》記載，每逢朱元璋派軍隊出外作戰之時，佢都會將所有將士嘅家人集合起來，美其名就係搵個地方等將士家人居住，等朝廷代為照顧，但實悄就係萬一將士對朝廷不忠，朱元璋就會有人質在手。
至於寡婦營就係隨住將士死傷眾多之後，原本留喺營地嘅將士妻子所組成，慢慢佢哋數量漸多，朱元璋就下令佢哋必須為將士守貞，一世都不得再改嫁！
原圖嚟自網絡