最近阿史睇到一張梗圖，就講返十幾年前個套電影《霍元甲》，飾演霍元甲父親霍恩弟嘅係台灣演員鄒兆龍，而咁啱電影裡面霍家個家僕叫做來福。咦？咁咪即係常威同來福？唔通係彩蛋嚟？
霍元甲係清末愛國武術家，曾為精武體育會教頭，可惜誤信日本人而食錯咗藥而被毒死。霍元甲一直都係華語影視作品一個熱門題材，特別係李小龍拍嘅《精武門》，更將霍家迷蹤拳描寫到出神入化。講返轉頭，响唔少影視作品都有提及霍元甲父親霍恩弟，咁佢又係咪真係精通霍家拳呢？其實關於霍元甲父親霍恩弟嘅生平事蹟，網上資料都真係唔多，而且大部分都似係响電視劇情節中改寫而嚟。似乎可以參考嘅，可能係精武體育會提及霍元甲生平嘅資料。資料就話霍恩弟習武一生，武藝高強。而霍元甲因自幼體弱多病，霍恩弟就唔俾佢練武同入習武房。而求藝心切嘅霍元甲，就只能偷看其父與諸兄練武。
至於霍家嘅迷蹤拳，其實就係流行於滄州一帶嘅燕青拳嘅變種，因此霍恩弟係習武之人識得拳法就應該可信，但係咪講到係當地鏢王等就真係無人知喇！
原圖：電影《霍元甲》劇照