上次就介紹咗常威...唔係，係霍元甲父親霍恩弟應該都係練武之人，今次就想想講講霍元甲呢位民族英雄。
相信史友們都知，霍元甲生前係精武體育會嘅教頭，之但係，其實佢好多後世人知道嘅事跡其實都好多係誇張咗。好似話佢勇挫外國大力士，佢的確係有公開話要挑戰外國大力士，不過最後個位外國人就無出場，結果霍元甲就不戰而勝。講咗咁耐，講得清楚一啲其實霍元甲嘅傳奇故事，好大程度上係源自於民初嘅武俠小說。當時有一位叫平江不肖生嘅人，寫咗一本《近代俠義英雄傳》，而霍元甲就係書中其中一位英雄人物，而佢「三打大力士」故事就係响呢本書度嚟。
雖然霍元甲係咪好似相傳咁好打就有唔少人懷疑，但當時精武體育會作為振奮國人身心嘅愛國組織，的確係要有一個好似霍元甲咁嘅標誌性人物做招牌，而霍元甲後嚟民族英雄形象不斷被放大，亦有佢嘅政治考量。
原圖：電影《霍元甲》劇照