繼續同史友們介紹世界各地嘅一啲珍貴考古發現，如果提到早期人類嘅骸骨以及牙齒等等嘅樣本，今時今日考古學界好多樣本都係由非洲發現，而近日就有英國嘅考古系學生發現到一顆除非洲以外世界最古老人類牙齒，阿史今次就帶大家睇一睇啦！
今次發現呢件重要考古文物嘅主角係一個橫跨歐亞兩洲國家進行考古工作嘅英國考古系學生，佢同考古團隊近日就喺考古遺址德瑪西尼（Dmanisi）進行考察，過程中就發到一顆牙齒。經過化驗以及研究之後，考古學家就斷定呢顆牙齒係早期直立人下頜骨第四顆前臼齒，距今至少有180萬年歷史。
呢次發現就有幾個重要嘅意義，其一就係搵到一顆非洲以外世界最古老人類牙齒，但更重要嘅係，呢次發現可以佐證直立人大約200萬年前開始遷出非洲嘅講法。
原圖嚟自網絡