近日內地網絡上就瘋傳一段影片，原因係影片當中竟然成功影到被譽為神獸嘅生物喺山林之中奔走，而呢種「神獸」以往就曾經係乾隆皇帝嘅最愛，阿史今次就同大家講一講啦！
內蒙古自治區呼倫貝爾市維納河林場嘅一名護林員喺巡防期間，就意外影到一隻年約兩歲嘅野生白麅喺山林之中忘我咁奔跑，係自1981年以嚟內蒙古第二次發現到野生嘅野生白麅。
要知道麅係一種鹿科生物，係絕大部分情況下身體都係黃色，但就有少數因為白化突變而出現嘅純白色個體。喺古代，白麅係被視為國寶級嘅傳說神獸，就算係皇帝都唔一定可以見到。而喺清朝年間，蒙古親王曾經向乾隆皇帝獻上白麅作為祝賀皇太后壽禮，乾隆皇帝亦都相當喜歡呢隻白麅，仲特意請來繪製「瑞麅軸」，可見佢係幾咁重視！
原圖嚟自網絡