繼續同史友們介紹我國近期嘅重大考古發現,大家冇錯睇,阿史亦都冇打錯,我國又有三星堆文化遺存被發現喇!今次阿史就帶大家去睇睇重慶江津嘅考古發現!
近日重慶市文物考古研究院通報,喺經過歷時六個月嘅緊張工作,江津區梧桐土遺址工作正式進入收尾階段,並且得到重要嘅進展!據考古團隊介紹,梧桐土遺址距今已有3000餘年,係商周時期古遺址,如果按考古學文化斷定,呢個遺址更加係存在於三星堆文化晚期至十二橋文化早期!
據考古團隊介紹,梧桐土遺址商周遺存豐富,七層嘅地層文化當中有超過五層都係商周文化堆積,當中就有唔少陶器與石製品,並且發掘到唔少商周、漢代等灰坑、窯址、出土石璋等等重要遺跡。咁到底呢次嘅發掘可以為三星堆文化東向傳播以及十二橋文化圈內交流互動研究提供到點樣嘅發現呢?阿史真係相當期待!
原圖嚟自網絡