近呢十零廿年史友們都應該不時聽到中國同韓國就一啲文化起源有所爭拗,而以前讀書個陣老師都有講過朝鮮响好一段時間反而保留咗一啲响中土已消失嘅文化。最近睇返資料,原來古代有中國人曾經响朝鮮稱王。
講緊嘅就係漢初燕人衛滿响朝鮮半島政權嘅事。根據《史記》所載,漢高祖劉邦時燕王盧綰背叛逃往匈奴﹐怇嘅部將衛滿率領千餘名部眾逃入箕子朝鮮,擊破朝鮮王箕準建都王險城,自稱朝鮮王。衛滿做咗朝鮮王後,响當地輸入中原文化,令國家愈來愈強盛。至於呢個國家同漢劉政權關係又點呢?漢廷以其為外臣,統御塞外蠻夷。不過,衛滿死後,佢啲子孫對漢廷就有唔同做法,包括隔絕朝鮮半島南部三韓同漢通使。結果到咗漢武帝時,就以漢使被殺為由出兵,朝人就殺衛滿孫右渠王後投降。後嚟漢廷就以其地置樂浪、臨屯、真蕃、玄菟四郡。
原圖嚟自網絡