喺古代嘅封建社會，女性嘅地位本來就唔高，而假如佢哋淪為青樓女子，下場就會更加慘烈。之不過，呢個講法其實都係要睇返佢哋身處咩朝代，假如呢啲女子係宋代嘅樂伎，結果可能就會唔一樣。
雖然宋代樂伎當中嘅「伎」字係同妓女嘅「妓」相通，但做樂伎、官伎同就青樓女子又有些少唔同。喺古代好長嘅一段時間女子嘅地位同男子都係唔對等，但作為樂伎雖然都係被歸為賤籍，但就可以有相當可觀嘅收入。如果係民間嘅樂伎，其實喺酒席、宴席之上就已經可以得到唔同客人嘅打賞，而假如係官伎又或者被邀請到官方宴席表演，呢啲打賞嘅收入就更高。
唔單止有打賞，其實樂伎本身仲會有固定嘅薪水，如果係專門嘅官伎，佢哋就係負責陪同官員出席宴會，每次仲會有額外嘅「出場費」。而最估唔到嘅係，由於宋朝法律嚴格規定「官員不得嫖娼」，所以官員最多都只係可以欣賞佢哋嘅表演，想有踰矩行為就可能會有嚴重嘅後果喇！
原圖嚟自網絡