喺唔少影視作品當中，大家都會經常見到青樓女子同書生發生感情，繼而贖身從良嘅情節。劇情總係美好，但現實嘅情況又係點呢？阿史今次就同大家講一講啦！
早幾日阿史就已經同史友們介紹過宋朝官妓嘅制度，由於官員係唔能夠嫖娼，咁所以「官妓」嘅存在就只係為咗陪同官員出席重大場合，並且擁有幾豐富嘅收入。咁呢啲「官妓」有啲係自願加入、有啲係由官府僱用，亦有部分係被賣走，咁到底做咗「官妓」之後從良又會係點呢？
首先，一旦成為咗「官妓」，人身嘅自由就已經唔到自己話事，能否從良甚至以嫁人都係要由官府決定，而確實歷史上都真係有成功個案。之不過，做過「官妓」嘅女子基本上係冇可能成為正室，大多情況都係做小妾，但就因為呢啲過去，就算佢哋身份改變咗，仍然係會被人視為「賤戶」。
原圖嚟自網絡