【講開有段故】清朝做皇子原來生活好辛苦？
喺唔少清朝影視作品當中，做一個皇子似乎就係一件幾輕鬆嘅事，閒來無事就可以追下女仔、享受民間嘅娛樂，但喺歷史上又係咪真係咁樣呢？
其實作為皇家嘅子女，雖然可以享盡榮華富貴，但幼年嘅生活嚟講其實都真係幾辛苦！首先，所有皇子喺六歲之前就已經需要返學，早喺每日寅時就需要到達課室，老師就會喺卯時開始授課，而呢種日子基本上一年都會持續，就只有新年、生日當中先至有機會休息。
而皇子們學習嘅內容唔單止係漢文、滿文、蒙文，甚至喺部分帝皇嘅時期，例如康熙時期仲需要學習埋西方嘅科學知識。喺完成上午嘅深奧課程之後，皇子們食少少野休息片刻之後，下午仲需要練習騎射，真係返工都冇咁攰！
原圖嚟自網絡