早前英女王走咗,好多關於佢同英國王室嘅大小報道都出現,當中就有各種王室珠寶同君主權杖、帝國皇冠上鑲嵌嗰啲鑽石嘅歷史。其實,唔少國家都有佢流傳後世嘅「國寶級」文物。不過,好多國寶因為戰亂或各種原因而令流落他方甚至消失搵唔返。
明代《永樂大典》就係其中一個經典例子。响明成祖做皇帝初期,就叫咗翰林學士解縉、姚廣孝主持編纂呢部書,喺永樂二年首次成書,但朱棣就覺得本書內容唔夠齊全,要求再寫過。去到永樂五年,將新版本交到朱棣手上,朱棣滿意,於是親自寫序,同埋將部書命名為《永樂大典》。《永樂大典》全書一共有22,937卷、11,095冊、約3.7億字,可以話係中國最大嘅一部「類書」,接近今時今日嘅百科全書。
不過,這部巨著自修成之後,並無得到有效保護同維護,導致歷代以來一直在減少,到咗明末清初已經遺失十分之一。到咗乾隆修訂四庫全書之時,永樂大典已經遺失超過五分之一,到光緒末年只剩下三十分之一,得800卷左右,再往後日子更有損失更多,估計現存殘餘得返400幾卷,得返唔夠原來三十分之一呀陰公!
原圖嚟自網絡