喺唔少清宮影視作品當中,經常都會見到後宮嘅一啲妃子高高在上咁樣自稱「本宮」然後命令啲太監官女做事,但係原來唔係所有嬪妃都可以咁樣自稱,一旦叫錯分分鐘命仔都不保!
要知道清朝後宮係有一套制度,每位嬪妃嘅地位就如同朝中嘅官職一樣係有等級區分,除咗中宮皇后之外,仲有、皇貴妃、貴妃、妃、嬪、貴人、常在、答應等,而喺同級嘅妃嬪中,封號字數愈多嘅地位亦都係愈高。其中,中宮皇后、皇貴妃就只係各自得一位,貴妃就可以有兩個,妃子有四人而嬪就有六人。
咁講呢啲數字又有咩意義呢?正正就係因為每位妃嬪嘅地位都唔同,所以稱謂都有所不同。例如只有嬪位以上嘅人先可以被稱為「娘娘」,而要自稱「本宮」,就只有妃位以上,而且對方地位比自己低嘅時候先至可以咁樣自稱,一旦講錯說話就等同以下犯上,真係要相當小心先得!
原圖嚟自網絡