繼續同史友們介紹一啲清宮劇經常都會見到但又唔清楚當中用意嘅舉動,喺文武百官參見皇帝之前,一般都會有一個好大嘅動作,就係拍兩下衣袖先至會跪安,咁到底呢兩下動作係有咩用意呢?阿史今次就同大家講一講啦!
清朝官員拜見皇帝前拍兩下衣袖其實唔係拍戲先至出現,而係同滿人原來嘅一啲習慣、習俗有關!要知道其實喺入關之前,滿人係遊牧嘅馬上民族,經常都會出外騎馬射箭。為咗減輕受傷嘅機會,佢哋喺衣服上就有特別設計,就係將袖子做長做寬,亦即係「馬蹄袖」。雖然呢種「馬蹄袖」可以保護雙手,但就因為太長嘅關係,喺唔外出打獵嘅時候,滿人都會將呢啲袖捲起身。
而喺滿人入關之後,外出騎馬射箭嘅機會大減,而衣服嘅習俗就被保留,喺平時工作之時,官員都會將袖捲起,但當見到皇帝嘅時候,就會將袖放下跪拜,拍兩下嘅舉動就係為咗令到袖子自然垂下,係屬於滿人嘅一種禮儀。
原圖嚟自網絡