最近手遊王者又進入新賽季,朋友們又開始追分升級。响呢款遊戲裡面,有一個角色係干將‧莫邪,相信唔少史友都知道呢兩個名字就係傳說中嘅寶劍,干將同莫邪相傳亦係一對夫妻。咁响以前係咪真係咁多名劍嘅呢?
其實响唔少古籍當中,就記載咗古代唔少以鑄劍而聞名嘅地方,例如據《史記‧蘇秦列傳》所載:「冥山、棠谿、墨陽、合賻、鄧師、宛馮、龍淵、太阿,皆陸斷牛馬,水截鵠鴈,當敵則斬堅甲鐵幕,革抉跋芮,無不畢具。」呢啲地方都係古代鑄名劍嘅地方。而响《周禮‧考工記》就說:「吳越之劍,遷乎其地而弗能為良,地氣然也。」干將莫邪就係嚟自吳越即依家江蘇、浙江一帶地方,仲有純鉤、湛盧、豪曹、盤郢、魚腸同巨闕呢啲古代名劍,都係一帶鑄造。
原圖嚟自網絡