早幾日就係英國女王伊莉莎伯二世國葬嘅日子，喺佢靈柩之上就擺放咗鑲滿珍貴寶石嘅權杖、皇冠等器物。外人睇嚟呢啲器物當然就係珠光璀璨，但對南非以及印度嘅民眾嚟講，呢啲珍貴珠寶都係見證住英國血腥殖民史嘅鐵證，特別係鑲嵌喺伊莉莎伯皇太后后冠上嘅「光之山」鑽石，就引嚟無數印度媒體以及網友要求歸還。到底英國、印度同呢粒「光之山」鑽石之間有咩恩怨呢？
「光之山」鑽石嘅歷史最早可以追溯到14世紀，呢粒曾係世上最大嘅鑽石重達108卡，目前就已經鑲嵌喺伊莉莎伯王后冠之上。「光之山」（Mountain of Light）喺幾百年間多次易主，嚟到近代就係由錫克國王蘭季德·辛格（Ranjit Singh）帶返印度。之不過，時間去到19世紀40年代末，英屬東印度公司強佔錫克王國，而原本按蘭季德·辛格遺囑應該留喺賈格納寺嘅「光之山」就被帶出，並且當時年僅10歲錫克君主達立普·辛格就「被捐獻」光之山鑽石，自此呢粒鑽石就成為英國「合法」獲得嘅財物。
原圖嚟自網絡
評論：
共0 條評論