最近見到一張舊相,話係七十年代銅鑼灣東角影嘅,仲有座大石門响個度。最初阿史以為係P圖,點知原來係真嘢嚟!
呢度大石門就係昔日座落銅鑼灣嘅怡和門喇!而呢座石門依家就响上水。據怡和門上面嘅介紹,呢座大石門原本放响禮頓山道怡和馬房入口處,後嚟移至銅鑼灣怡和貨倉門口,到咗1972年貨倉拆除改建時,怡和就將大石門贈予馬會,而馬會就將怡和門重新安放响上水雙魚河鄉村會所,成為會所嘅正門喇!不過睇返資料,原來响戰後,怡和馬房被徵用作學校校舍之用,而間學校就叫做郇光學校,大石門亦一度成為學校大門,到後嚟學校原址要起樓,石門先搬咗去渣甸倉即怡和倉。
原圖嚟自網絡