今日係2022年9月25日,對我國嘅軍事史,特別海軍方面係一個相當重要嘅日子,事關喺10年前嘅今日,我國嘅海軍第一次擁有自己嘅航空母艦,即係大家都熟悉嘅遼寧艦!
相信唔少史友都知道,遼寧艦嘅前身係原計劃服役於蘇聯海軍嘅「瓦良格號」,後來因為蘇聯解體「瓦良格號」未能完工。轉輾之下,瓦良格號航空母艦被拖往中國大連並由大連造船廠對其進行研究、續建及拆除、改造,最終喺10年前嘅今日成為中國人民解放軍海軍嘅「遼寧艦」。
喺遼寧艦正式加入海軍之時,當時呢艘航母並未執行軍事行動,但隨住我國往後對航母嘅研究以及發展,遼寧艦唔單止可以進行遠洋訓練,並且已經組成航母戰鬥群。喺近年遼寧艦每次嘅亮相當中,甲板上停放嘅戰機都愈來愈多,近日更加可以停放到24架殲-15戰鬥機,真係令人相當安心嘅實力!
原圖嚟自網絡