再次有流失海外嘅文物順利回歸祖國!近日喺廈門,就有一批「原籍」中國嘅流失文物通關,而促成呢個舉動嘅係一間民間企業。
據了解,近日喺廈門海關嘅監督以及領導下,一批原本流失喺法國巴黎嘅古董文物就順利通關回到祖國。呢批文物全部都係「原籍」中國,一共有37個品項合共68件,唔少都係出產自清代嘅瓷器、佛像、銅器,具有極高嘅歷史以及藝術價值。要知道海外追索文物從來都唔係一件容易嘅事,但今次促成文物回歸祖國嘅正正就係廈門嘅一間文化公司,佢哋喺巴黎收購完之後先將文物運到廈門,再由海關方面對文物進行品名、年份以及運送方面嘅確認同檢查,令到呢批文物得以順利運送。
呢次事件傳出後,不少網民都對企業好評,亦期待未來有更多「流浪」文物可以「回家」。
原圖嚟自網絡