如果史友們有行開博物館，唔知大家又有冇留意博物館當中嘅出土銅鏡展品，鏡面嘅部分睇落去都係好模糊，基本上連人樣都睇唔清。咁到底呢啲出土銅鏡本身又係咪可以清楚照到人樣？定還是佢哋只係古代嘅禮器？阿史今次就同大家講一講啦！
如果講到最多銅鏡出土嘅地區，其實湖南就絕對係其中之一，今日嘅長沙地區正正就係古代楚式銅鏡嘅鑄造中心之一，唔單止數量多而且類型齊全、紋飾精美，由初期嘅「純地紋鏡」、「山字鏡」再到中後期出現嘅「龍紋鏡」都可以喺當地嘅墓葬當中出土。而著名嘅「辛追夫人」墓當中，就曾經出土過大量楚式銅鏡，但當時呢啲鏡都有一個共通點，就係全部都睇唔清！
其實，喺古代剛剛鑄造好嘅銅鏡係可以睇得清人樣，但就由於銅鏡入土會受到水分以及空氣濕度影響，繼而造成鏽蝕。生咗鏽嘅銅鏡就算點樣清理，都好難可以回復最初咁樣，咁所以喺古代其實仲有人專門負責打磨銅鏡，真係估佢唔到！
原圖嚟自網絡