如果史友們曾過去過雲南旅遊，當地就有一個號稱「世界三大梯田之一」、「一生必去」嘅梯田，名為元陽梯田。咁遠嘅景點大家暫時可能去唔到住，但唔講真係未必知，近在香港嘅大帽山其實以前曾經都有梯田！今次阿史就同大家講一講啦！
大家都知香港以往係一個漁港，但咁並唔代表香港只係得漁業，其實以往香港嘅農業都一樣好多元化，例如以往到處都有各式各樣嘅梯田。咁史友們可能會諗，點解好地地有平地嘅田唔去種，而要走去整梯田？其實梯田就正正係善用山地嘅表現，既防止水土流失又可以儲蓄養份。而喺以前，唔單止荃灣、火炭呢啲地方有梯田，就連大帽山都有一片梯田。
現時嘉道理農場暨植物園仲有保留返近百年歷史嘅大帽山梯田，有別於其他種植菠蘿、水稻嘅梯田，大帽山嘅梯田係種植茶葉，真係估佢唔到！史友們如果有機會，真係可以去睇一睇！
原圖嚟自網絡