繼續同史友們探討一啲有趣嘅歷史小知識，今時今日有衛星以及各種科技支持，要繪製出一份精確嘅地圖其實都唔係一件容易嘅事，而喺古代完全冇現代科技嘅支持，古人又係點樣可以繪製到地圖呢？阿史今次就同大家講一講啦！
要知道地圖喺古代係比任何事物都重要，事關呢樣工具正正就係古代唯一一樣可以探索同埋通往其他地方嘅方式，但古人又可以點樣確保繪製出嚟嘅地圖係準確呢？答案就係利用古代幾種重要嘅工具喇！
其一，就係漢代嘅一種特殊丈量工具「記里鼓車」。呢種器具正正就係通過兩層馬車設計記錄車輛行過嘅距離，馬車每行過一里路，下層嘅裝置就會擊一次鼓，行過十里路，上層裝置就會敲一次鈴，只需記錄鼓與鈴響嘅次數就會計算到距離。
而更加精細嘅地圖製作方法，就有宋代嘅「禹跡圖」。呢種現存最早帶有製圖網格嘅地圖又被稱為「計里畫方」，按一定比例繪成方格坐標網，甚至連河流嘅粗細都有標示，真係唔簡單！
原圖嚟自網絡