繼續同史友們介紹我國嘅一啲特備展覽，近日連同圓明園海晏堂5件十二生肖青銅獸首在內嘅一系列海外回歸珍貴文物就喺上海有一場重大嘅展覽「盛世回歸——海外回流文物特展」展開，咁到底當中會有咩文物展出呢？阿史今次就同大家講一講啦！
今次嘅展覽就喺上海市閔行區博物館開幕，整體嚟講就有兩大主題，分別係「盛世重逢」以及「華美賡續」兩個部分。「盛世重逢」就當然係以海晏堂嘅「生肖與計時」作為設計主題，展示十二生肖之馬首、牛首、豬首、虎首、猴首等五個原本係水力鐘噴泉口嘅青銅獸首。
而另一部分就係重點展出四十幾件海外回流嘅文物，由春秋戰國以及兩漢時期嘅珍貴文物都一應俱全，分為「鳴鐘列鼎」「 走斝飛觴」「 秉旄仗鉞」「 焚香頂禮」四個板塊。當中就有倗季鳳鳥大尊、神面卣、立兔形典尊、遂公盨等重點展品，真係值回票價啊！
原圖嚟自網絡