上次介紹咗古代珊瑚有幾矜貴，而响古代能夠出產珍貴珊瑚嘅地方就唔算太多，依家嘅海南島就算係其中一處。不過咁，响古代基本上就無人想去呢個地方，特別係官員。
海南島响秦漢之交係南越國領土，到咗漢武帝時就設珠崖、儋耳二郡。據《後漢書‧南蠻西南夷列傳》所載：「珠崖、儋耳二郡在海洲上，東西千里，南北五百里。」不過呢個地方全島開始有有效嘅行政建置，就係响隋唐時期開始。
不過咁，海南島呢個地方，距離中原就非常非常之遠，發展落後之餘，生活環境條件都唔多好。而响古代個陣，海南島就成為咗唔少官員被貶流放嘅目的地。好似唐代嘅韓瑗、韋執誼、李德裕，宋代嘅盧多遜、丁謂、趙鼎、蘇軾等人都被放逐於此。其中史友們好熟悉嘅蘇軾，就係响六十二歲時被貶到至海南島儋州。依家响海南島嘅海口市，就有一座五公祠，祭祀咗唐宋兩代被貶海南嘅五大名臣。所以話，响古代嗰陣海南島呢個地方，基本上無人想去，更加無人想被貶到呢個地方。
原圖嚟自網絡