近日喺內地嘅社交媒體上就有一棵千年古樹爆紅，吸引無數遊客都慕名前往打卡，咁到底係一棵咩樹咁犀利呢？阿史今次就同大家講一講啦！
其實呢棵樹出名都唔係今年嘅事，位於西安觀音禪寺嘅呢棵千年銀杏樹每逢秋天都會有一件「金縷衣」披咗上身，而盛傳呢棵樹係由唐太宗親手栽種。作為十三朝古都，西安到處都有重要嘅歷史建築，但勢估唔到連樹木都咁有歷史。
雖然今時今日到處都可以見到銀杏樹，但古銀杏樹嘅數目係相當稀少，咁點解呢棵銀杏樹可以存活過千年呢？原來喺樹下正正就有一個「觀音神泉」，無論好天定雨天，水位都會始終保持喺同一個位置。而且，喺古時就已經流傳泉水能醫百病。可能就因為兩者相輔相成， 銀杏樹即使歷經千年都仍然茁壯成長。
原圖嚟自網絡