繼續同史友們介紹我國最新嘅考古發現，近日喺國際人類學刊物Journal of Human Evolution當中就有一篇論文表明，喺我國雲南就發現到有迄今為止最早嘅長臂猿祖先化石，咁到底當中有咩特別之處？阿史今次就同大家講一講啦！
據了解，呢次發現化石嘅係由中國科學院昆明動物研究所研究員吉學平喺一次野外調查當中搵到，喺事後經過同昆明動物研究所標本館嘅現生長臂猿頭骨進行對比、高精度CT掃描對比研究之後，就確認搵到嘅化石係屬於長臂猿類。
但咁樣嘅對比都仲未足夠，呢位研究員其後就邀請其他嘅合作者一齊，就住中科院昆明動物研究所、雲南省文物考古研究所、元謀人博物館近代採集到嘅標本進行對比研究，成功採集到長臂猿祖先類群面部特徵資訊，繼而就確認呢次發現嘅化石填補咗幾百萬年間東亞小型猿類進化史嘅空白期，並且仲係目前最早長臂猿祖先化石。目前，長臂猿科演化仲有1000幾萬年空白期，仲需要更多有心嘅科學家進行研究！
原圖嚟自網絡