早幾日阿史就同大家介紹咗「考古中國」重大專案嘅發布會有唔少重大項目公佈，除咗有阿史講過嘅湖北十堰學堂梁子遺址之外，開封北宋東京城州橋遺址同樣都取得咗重大嘅成果。
喺歷時四年嘅發掘過程當中，開封北宋東京城州橋遺址就成功出土巨型石雕祥瑞壁畫，係我國目前發現嘅北宋時期最大石刻。據介紹，呢幅通高3.3米嘅壁畫理論上係對稱分佈喺州橋東側南北兩岸，目前就已經發掘到南岸壁畫長約23.2米、北岸壁畫長約21.2米，單單係呢個規模就已經好誇張！
但精彩嘅部分唔止咁，規模咁龐大嘅石雕壁畫竟然每個部分都可以雕刻得好精細，海馬瑞獸、飛鶴、祥雲等圖案全部都係雕功十足。目前石雕壁畫仍然清理中，據專家推斷單幅壁畫係可以長達30米，如果齊曬橋東西兩側四岸壁畫，咁就係一幅百米長卷了！
原圖嚟自網絡