1949年10月1日,係中華人民共和國成立嘅大日子,亦可以話係中華民族歷史上重要嘅一日。可能史友們睇資料片段就睇得多,不過可能當日嘅細節就未必聽過。
開國大典就响1949年10月1日下午3點舉行,而响大典舉行嘅一個鐘前,即當日下午2點,由毛澤東主持嘅中央人民政府委員會在首都北京舉行第一次全體會議。中央人民政府主席、副主席、委員全體出席會議,宣布就職。會議一致決議:宣布中華人民共和國中央人民政府成立﹔接受中國人民政治協商會議《共同綱領》為政府施政綱領。選舉林伯渠為中央人民政府委員會秘書長﹔任命周恩來為中央人民政府政務院總理兼外交部長,毛澤東為中央人民政府人民革命軍事委員會主席,朱德為中國人民解放軍總司令,沈鈞儒為中央人民政府最高人民法院院長,羅榮桓為中央人民政府最高人民檢察署檢察長。
到咗下午3點,北京30萬軍民就响天安門廣場舉行集會,慶祝中華人民共和國中央人民政府成立。林伯渠宣布典禮開始,主席、副主席同委員們就响天安門城樓上就位。毛澤東主席亦宣布:「中華人民共和國中央人民政府於本日成立了。」响國歌聲中,毛澤東親自按動電鈕,升起咗新中國第一面國旗五星紅旗,54門禮炮齊鳴28響。之後天安門就舉行盛大嘅閱兵式。受閱軍人向主席台上敬禮,毛澤東以及其他領導人舉手回禮。出場按照海、陸、空順序歷時150分鐘。到咗夜晚,北京市民舉行提紅燈遊行,成個慶祝活動直到九點幾先結束。
原圖:cpc.people.com.cn