上次講過1949年10月1日開國大典呢個活動由下午舉行到夜晚,今次就講講點解開國大典會响下午舉行。
一般而言,中國重大典禮都會安排响上午舉行,好少會响下午先舉行,因為以往科技無咁先進,如果典禮持續到入夜咁就有好多事情會較難處理。1949年開國大典之所以安排响下午3點舉行,其實有一個好實際嘅考量,就係安全問題。1949年10月1日新中國成立,不過當時南方仲有小部分地方仍然被國民黨軍隊控制,而大典舉行前,國民黨軍隊已經事先張揚咁話會派戰機去轟炸天安門,因此中國共產黨高層商議大典响下午舉行,如果係咁國民黨軍隊嘅戰機從南方飛去北京後再飛返南方途中就會進入晚黑時間,當時飛行設備無咁先進,入黑飛行好容易會出事。就係咁,開國大典就選擇咗响下午舉行。當然!為防止有敵軍突襲,北京周邊甚至天安門受閱軍隊都有隨時作戰嘅準備。
原圖嚟自網絡