繼續同史友們探討一啲古代打仗時嘅迷思，其實大家都知道喺戰場之上一向都係「行先死先」，就算有幾大嘅利益引誘，都唔一定可以令到士兵搶先衝鋒。之不過，喺歷史上每逢攻城戰，其實係有唔少士兵都願意搶先爬雲梯，到底當中有咩原因呢？
關於呢個一個迷思，其實就有幾個方向可以解答，其一就係因為成支軍隊都會協助分散火力！喺攻城戰當中，雖然搶先爬雲梯呢個舉動係相當危險，但攻城方其實都會修建土台對城池進行火力壓制，同時遠處亦都會有「投石炮」作出牽制，所以城樓上嘅守軍要殺死攻城士兵都有一定難度。
同時，對於首登城牆呢件事，其實攻方都會唔吝嗇畀出重賞，攻城士兵輕而易舉就可以被升職，即使戰死家人都會得到豐厚賞賜。但最重要嘅係，假如士兵被發現唔踴躍參戰，後方嘅督戰隊可能就會當場處決佢哋，都咪話唔驚！
原圖嚟自網絡