眾所周知圓明園就係清朝康熙年間所建嘅大型皇家園林,昔日面積達到3.5平方公里嘅圓明園由於景觀壯觀、亭榭樓閣、錯落有致而被譽為「萬園之園」。可惜嘅係,圓明園自從喺1860年10月18日被侵華嘅英法聯軍燒毀後,就只係得返一個遺址。
到底呢個「萬園之園」昔日嘅風采又係點?今日係圓明園罹難162周年紀念日,央視官方微博就趁住呢個紀念日,公開咗一段長達一分半鐘動畫,以科技電腦技術復原圓明園被毀前樣貌,等大家欣賞到圓明園昔日景觀之餘,同時都明白「銘記歷史,吾輩自強! 」
原片嚟自央視