1950年10月25日,72年前嘅今日,中國人民志願軍渡過鴨綠江赴朝作戰,揭開中國抗美援朝戰爭序幕。以往香港人都係通過中史課本而認識呢段歷史,但隨住近年《長津湖》同《水門橋》呢啲抗美援朝電影相繼响香港上演,令抗美援朝呢段歷史受到許多香港年輕人既關注。
抗美援朝係中華人民共和國成立後第一次參與嘅對外戰爭。簡單嚟講,抗美援朝係上世紀五十年朝鮮半島戰爭即韓戰嘅其中部分,呢場戰爭大概可以分為四個階段,包括朝鮮民主主義人民共和國同大韓民國開戰,之後以美國為首嘅聯合國軍隊介入戰爭,繼而中國投入抗美援朝,同埋停戰階段。响1950年6月,朝鮮人民軍同大韓民國開戰,無幾耐聯合國介入,美國就响9月派出軍隊實現仁川登陸,局勢逆轉,美軍仲越過三八線(北緯38度線,即蘇聯同美國响二戰時受降嘅分界線)北攻朝鮮。中國响美軍登陸仁川後就警告如果美軍越過三八線,中國唔會坐視不理。結果中國就派出中國人民志願軍响1950年10月25日進入朝鮮半島作戰。
响中國人民志願軍奮戰下,本來自恃先進軍備嘅美軍吃盡苦頭。最終响1953年7月,雙方簽訂《朝鮮停戰協定》,從此抗美援朝勝利結束。到咗1958年,中國人民志願軍全部撤回中國。
原圖:xinhuanet