又一位好戲之人離開大家,講緊嘅就係曾經縱橫電影電視圈多年嘅資深演員楊群,佢日前因病離世,享年88歲。
楊群出道逾70年,响上世紀五十年代嗰陣,得15歲嘅佢就加入電影圈,1963年憑《秦香蓮》中陳世美一角走紅。除咗拍好多電影外,佢拍電視劇都令觀眾留低深刻印象,好似《千王之王》中「北千手」卓一夫呢個角色就令佢大受歡迎。另外,佢嗰種老闆氣質仲成為咗電視劇中大有錢佬商人嘅專門戶。而响九十年代,佢就幫亞視拍咗唔少經典電視劇,阿史印象最深就係《勝者為王》演張天鼎,以及《千王之王重出江湖》嘅CY宋。不過後嚟亞視縮皮減少製作經費,楊群於1990年代末期逐漸淡出影視圈,移居美國生活。
原圖嚟自網絡