尋日就係中國人民志願軍抗美赴朝作戰72周年，近年因為《長津湖》同《水門橋》等等抗美援朝電影嘅興起，令到呢段歷史再次被國人重視。咁到底曾經參與過抗美援朝戰爭嘅老兵，佢哋目前嘅生活又係點樣呢？
近日阿史就喺網上見到一段探訪抗美援朝老兵嘅片段，片中就係探訪一位年近九十歲嘅原志願軍老兵，片段當中都可以見到有官員、軍人等等帶同唔少生活用品以及禮品，喺呢個咁特殊嘅節日前夕探訪呢位老人，並且仲為老人家換上昔日嘅軍服，集體向老人行上軍禮以示尊重。
除此之外，其實每個老兵按照《中華人民共和國軍人保險法》、《國務院關於機關事業單位工作人員養老保險制度改革的決定》等等，都得到養老保險權益，而且仲會有軍隊各級後勤負責軍人退役基本養老保險、補助等等，所以佢哋生活都算唔錯。不過，其他具體待遇，就每個地方都有唔同安排，不能一概而論。
其實類似嘅探訪早喺《長津湖》同《水門橋》等等抗美援朝電影嘅爆紅之前就已經有唔少，無論嗰位軍人有冇咩特殊身份，始終都係得到地區官員嘅尊重同致敬。睇到呢啲老兵可以得到國家嘅善待，都真係幾令人感觸！
原圖嚟自網絡