喺明清兩朝嘅皇宮故宮當中，室外都擺放住大大小小嘅水缸，心水清嘅史友都知道呢啲水缸係為咗防止火災嘅時候而特意設置嘅。之不過北京嘅寒冬係相當之凍，呢啲水缸入面嘅水到底又會唔會結冰呢？阿史今次就同大家講一講啦！
要知道故宮當中大部分嘅建築物都係以木為主要材質，呢啲建築一旦只有一座起火都會牽連甚廣，而最常起火嘅季節多數都係冬季，再加上西北風容易令到火勢擴散。但諗深一層，假如呢啲防火嘅水缸喺冬季結冰，咁到時真係乜火都滅唔到。於是，聰明嘅古人就諗方設法去避免呢啲水缸結冰。
據清朝乾隆編纂的《國朝宮史》記載，每年一到小雪季節，內務府營造司管理太監們就會為水缸放上發熱嘅蓋。呢啲蓋其實下面就係裝滿碳嘅鐵屜，持續嘅熱力就可以融化結冰水面，一旦有咩火災都可以即時救火，真係充滿生活嘅智慧。
原圖嚟自網絡