關於古代打仗之時嘅戰略，可能唔少史友都聽過唐朝詩人杜甫〈前出塞〉當中寫到嘅「射人先射馬，擒賊先擒王」。理論上嚟講以上嘅方法當然係最高效率，但其實喺古代弓箭手打仗之時反而係「射人唔射馬」，到底當中有咩原因？
弓箭喺古代冷兵器時期，其實係兩軍交戰中最重要嘅一樣武器，亦都係最快可以重挫對方軍事實力嘅一樣兵器。面對住突擊能力強大嘅騎兵，點解古代弓箭手好少會攻擊目標較大嘅戰馬呢？當中就有幾個原因！
其一就係，喺戰場之上人會穿著盔甲，戰馬亦都如是。雖然戰馬嘅面積比士兵大，但穿著咗盔甲嘅戰馬其實並唔容易射倒；而且古代嘅戰馬大多數都係身強體壯，憑住一、兩箭想將馬匹射倒近乎係唔可能，倒不如去攻擊敵軍嘅將士。更重要嘅係，古代嘅戰馬都係相當珍貴，雖然士兵們可以攻擊馬嘅腿部進行攻擊，但呢種咁有價值嘅戰利品一般而言都唔會去傷害。
原圖嚟自網絡