繼續同史友們介紹我國最新嘅考古發現,「衣、食、住、行」無論喺古代定係現代,對人類而言都係重要嘅四件事。「衣、食、住、行」當中就以衣為首,咁到底古代人嘅「衣」又係點樣演化而嚟呢?以下呢個考古發現可能就畀到個啟示大家。
近日就有考古團隊喺陝西省涇陽縣蔣劉村嘅一處發現到仰韶晚期環壕以及墓地,當中就有唔少豐富嘅考古遺存例如就有灰坑、窯址、甕棺葬等遺跡200余座以及大量陶、石、骨、玉等遺物。但如果講到當中最珍貴嘅發現,自然就係數量豐富嘅笄形骨器。
呢啲骨器都係出自30座墓葬中,係仰韶考古首次發現,考古學家就深信係同早期紡織手工業有關,值得進一步深入研究。